ХҮСОХ-ын төгсөгчийн гэрчлэл
Сайн байна уу. Намайг Должин гэдэг би 47 настай. Орхон аймгийн Есүсийн чуулганы итгэгч. ТӨС-өөр дамжуулан Ертөнцийн Эзэн миний амьдралд ямар гайхалтай боломж, үүд хаалгыг нээж өгснийг бусдад гэрчлэхдээ баяртай байна. Энэ сургалт нь ажил, гэр бүл, бизнес, үйлчлэлээсээ холдохгүйгээр зөвхөн номныхоо үнийг төлөөд олон улсын библийн сургуульд суралцах боломжийг олгодогоороо ямар ч төрлийн хүн суралцах боломжтой. Энэ давуу тал нь миний хувьд үнэхээр тохирсон төдийгүй зөвхөн болосврол мэдлэгтэй болоод зогсохгүй сурснаа хэрэгжүүлэх гэрийн судлал, бүлгийн цугларалт, хэрэгжүүлэлт гэсэн цогц сургалтаар дамжуулан амьдрал маань оюун санаа, сүнс, бие махбодийн хувьд өөрчлөгдөхөд зан чанар харилцаагаа засаж төлөвшихөд үнэхээр их зүйлийг өгч чадсан сургалт болсон.
2005 оноос ТӨС-ийн анхан шатанд суралцаж эхэлснээр Бурханы хүүхэд болсноо, яаж гэмших, хэрхэн залбирах, Бурханы үгийг судлан, хэрхэн дуулгавартай байх талаар болон сүм цуглаан, үйлчлэл гээд итгэлийн амьдралаар алхахад олон шинэ зүйлийг сурч мэдээд зогсохгүй, зааж сургах хөтлөгчтэй жаргал зовлонгоо хуваалцан дэмжиж туслах бүлгийн хүмүүстэй нэг баг болж чадлаа. Өөрийн амьдралдаа зорилго, алсын хараатай болж, баяр хөөр амар тайвнаар дүүрээд зогсохгүй бусдад үйлчлэх, дагалдагч болон төлөвшихөд сертификатны шатны сургалт үнэхээр үр өгөөжөө өгдөг. Нийгэм чуулганд үйлчлэх дагалдуулах чадвартай дагалдагч бэлтгэхэд Есүс Христийн амьдрал 6 цуврал сургалт нь үр дүнгээ өгч бусад олон сургалтуудаар удирдагч үйлчлэгч нарыг олноор нь бэлтгэж байгаад Бурханд алдрыг өргөе. Паулын амьдрал ба захидлууд 1-3 сургалтаар дамжуулан илгээлтийн талаар суралцаж өдөөгдсөн ба бүлгээрээ Хятад, Өвөр-Монголд дадлагаар явж илгээлтийн богино аялал хийлээ. Христ итгэлт гэр бүлийн амьдрал сургалт нь бусад сургалтнаас хамгийн илүү сонирхолтой үр өгөөжтэй сургалт байлаа. Олон олон итгэл нэгтэй ах дүү нарыгаа энэ сургалтаар дамжуулан ерөөгдөөсэй гэж уриалж байна.
Энэ сургалт Монгол хэл дээрээ сурах боломжийг олгосон сургуулийнхаа удирдлага, зохицуулагч нарт болон орчуулагч нартаа үнэхээр баярлалаа. Бурхан та бүгдийг ивээх болтугай. Амен