Дорноговь аймаг дахъ АШБХБС

Өнгөрсөн долоо хоногийн даваа гарагаас ням гарагийн хооронд Дорноговь аймгийн Сайншанд хотод МТӨСТ-ийн анхан шатны хөтлөгч бэлтгэх сургалт болж өнгөрлөө. Тус сургалтанд “Сайншанд Найдвар” , “Сайншанд Итгэл Нөхөрлөл” , “Аршанд Авралын Зар ” чуулгануудаас нийт 21 итгэгч суралцсан бөгөөд үүнээс 12 итгэгч тус сургалтыг маань дүүргэж Анхан Шатны Бүлэг Хөтлөх эрхийн бичгээ гардан авлаа.

Тус сургалт маань нийт 4-н өдрийн турш явагддаг бөгөөд эхний 2 өдөр онол зааж харин үлдсэн 2 өдөр нь бүлэг хөтлөх дадлага ажил хийх зэргээр явагддаг билээ. Уг сургалтын дундуур бэлтгэгдэж буй хөтлөгчид маань хоорондоо нөхөрлөж үйлчлэлийн туршлага алдаа оноогоо хуваалцан Эзэн дотор танилцаж суралцах таатай боломж бүрддэг билээ. Энэхүү сургалтыг дүүргэснээр тухайн оюутан цаашид МТӨСТ-ийн бүлгийг орон нутагтаа болон хаа байгаа газраа хөтлөх эрхийг аван сүм чуулган болон гэр бүлдээ мөн Библийн тухай мэдэж суралцахыг хүссэн хэн бүхнийг хөтлөн дагуулж Бурхан дотор өсөхөд нь туслах боломжтой болох юм.